“Мына жерінен ұстасам…”. Ресей жастары Мәншүк Мәметованың ескерткішін мазақ қылды (видео)
Бұл қалай? Ресей жастары үшін соғыс батырларының қадірі жоқ па? Әлде олар өздері жекеменшіктеп алған Жеңістің қалай келгенін, кімдердің арқасында келгенін ұмытты ма?
Батыр қызымыз Мәншүк Мәметованың Ресейдің Псков облысы Невель қаласындағы ескерткішіне шығып, мазақ қылған бір топ жастың қылығы әлеуметтік желіде жария болды. Бәлкім, ескерткішке шығып суретке түскісі келген шығар. Бәлкім, мұны кешіруге болатын шығар, егер кешірім сұраса…
Сол бір сұрапыл уақытта Мәншүк дәл осы Невель қаласын қорғады емес пе? Осы қаланы жау оғынан қорғаймын деп жан тапсырды емес пе? Ол өзін осы үшін өлімге қиды ма сонда? Батыр қызымыздың бейіті де Невель топырағында жатыр.
Кеңес одағының батыры атанған Мәншүкті, Мәншүктей аруын қорлауға ол жастарға кім рұқсат берді? Бұған еліміздің Сыртқы істер министрлігі, Ресейдегі Қазақстан елшілігі және біздегі Ресей елшілігі қандай да бір шара қолдана ма, әлде үнсіз қала ма?
Жауап күтеміз.
https://youtu.be/k3nMVoSTihc
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе