“Пара алмапты…”. Рашид Аманжоловтың неге тұтқындалғаны белгілі болды
“Азаматтарға арналған үкімет” мемлекеттік корпорациясы төрағасының экс-орынбасары Рашид Аманжоловтың қай бап бойынша күдікке ілінгені белгілі болды.
Бұл туралы ҚР Ұлттық қауіпсіздік комитетінің баспасөз қызметіне сілтеме жасап, Tengrinews.kz хабарлады.
“Ұлттық қауіпсіздік комитеті Рашид Аманжоловқа қатысты ҚР Қылмыстық кодексі 367-бабының 4-бөлігі бойынша – “Пара беру” – сотқа дейінгі тергеу жұмыстарын жүргізіп жатыр”, – деді ҚР ҰҚК өкілдері. Бірақ қандай пара және қандай сомадағы пара екені айтылмай отыр.
“Тергеу мүддесіне сәйкес6 осы іске қатысты басқа да мәлімет айту мүмкін емес”, – деп айтып өтті ҰҚК өкілдері.
Еске салайық, Астананың Есіл аудандық №2 соты 22 сәуірде Аманжолов Рашид Мәжитұлына қатысты 2 айға қамауда ұстау туралы бұлтартпау шарасын таңдаған болатын. Бірақ қалалық соттағылар Рашид Аманжоловтың қандай бап бойынша күдікке ілінгенін хабарламаған еді. Ал кейінірек Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Алик Шпекбаев бұл мәселемен ҰҚК айналысып жатқанын айтқан еді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе