“Көрмей қалдым”. Батыс Қазақстанда 1,5 жасар бала автобустың астына түсіп, көз жұмды

Батыс Қазақстан облысы Қаратөбе ауданы Егіндікөл ауылында қайғылы оқиға орын алды.

Оқыс жайт 3 мамыр күні сағат 16.30 шамасында болды деп хабарлайды ҚазАқпарат.

Ауылдық округ әкімі Абат Зейнуллиннің сөзіне қарағанда, жолаушы тасымалдайтын автобус бір жарым жас шамасындағы бүлдіршінді басып кетіп, ол оқиға орнында көз жұмған. Сол күні қаладан жолаушы тасымалдап келген көлік иесіне ауыл тұрғыны жолақысын төлеп тұрып, өзінен бұрын сәбиінің түсіп кеткенін аңдамай қалған. Анасынан бұрын түскен қыз бала автокөліктің астына кіріп кетіп, ол қозғалған кезде қайғылы оқиға орын алған.