АҚШ: Солтүстік Кореяға қатысты стратегиялық төзімділік дәуірі аяқталды

“КХДР-дың ядролық зымыран проблемасына қатысты “төзімділік стратегиясы” дәуірі аяқталды”, – деп мәлімдеді ол.

Пенстің әкесі 50-жылдары Кореядағы соғысқа қатысқан. Сол себептен де Пенс әскери одақтас ретінде Вашингтонның Сеул алдындағы қатынасы берік деді. Ол да Трамп секілді түбекке қатысты Американың әскери іс-қимылын талқылаудан бас тартып, АҚШ бейбітшілікке ұмтылады деді. Бірақ ол бейбітшілікке әрқашан күш қолдану арқылы қол жеткізетінін түсіндірді.

“Барлық мүмкіндіктер қарастырылып жатыр, біз түбекті ядролық қарудан азат ету үшін және Оңтүстік Кореяның гүлденуі мақсатында корей халқының иығына иығымызды қойып, бірге тұруды жалғастырып келеміз” деді Пенс.

Соңғы аптада Корей түбегінде жағдай күрт нашарлады. Солтүстік Корея Ким Ир Сеннің 105 жылдығы қарсаңында әскери парад өткізіп, ядролық оқтұмсық зымыранын ұшырды. АҚШ түбекке әскерін жөнелтіп, Оңтүстік Кореямен бірлесіп, тойтарыс беруге дайындалды.