Қарағанды облысында ТЖД басшысының орынбасары ұсталды
Сыбайлас жемқорлыққа қарсы іс-қимыл ұлттық бюросының Қарағанды облысы бойынша департаментіндегілер ҚР ІІМ Төтенше жағдайлар комитетінің облыстық ТЖД басшысының орынбасары Вадим Магамадовтың жемқорлық қылмыстарды жасағанын әшкереледі, – деп хабарлайды ведомствоның баспасөз қызметіне сілтеме жасаған Tengrinews.kz тілшісі.
“Тергеу Магамадовтың қызметтік өкілеттігін асыра пайдалана отырып, өрт қауіпсіздігі ережелерін бұзғандарға салынатын айыппұл көлемін азайтқанын, сондай-ақ, жұмысты орындау туралы нұсқамалардың мерзімін ұзарту үшін заңсыз түрде сыйақы алып жүргенін анықтады.
Биыл 4-сәуірде кәсіпкерден 200 мың теңге пара алып жатқан Магамадов қылмыс үстінде құрықталып, Қарағандыдағы облыстық ішкі істер департаментінің уақытша ұстау изоляторына қамалды”, – деп хабарлады ведомстводағылар.
Қазіргі уақытта сотқа дейінгі тергеу жүргізіліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе