Астанада “несие алып беремін” деп жарнама жасаған жігіт ұсталды

Елордалық полицейлер Қарағанды облысының 29 жастағы тұрғынын ұстады, ол интернет-алаяқтық бойынша күдікке ілінген.

Бұл туралы Астана ІІД баспасөз қызметіне сілтеме жасап, Tengrinews.kz хабарлайды.

Полицияға Астана тұрғыны келіп, белгісіз біреудің өзін алдап 27 мың теңгесін иеленіп кеткенін, яғни KIWI-әмиян арқылы абоненттік нөмірге ақша аудару кезінде алданып қалған.

“Күдікті Интернетте OLX.kz сайтында былай деп жазба қалдырған: “Кредит тарихы нашар адамдарға және жеке кәсіпкерлерге несие алып беруге көмектесемін”. Оған қоса ол телефон нөмірін қалдырған. Күдікті өзін кредиттік “Алма” фирмасының өкілі ретінде таныстырған және жәбірленушімен WhatsApp арқылы банктен қалай несие алуға болатынын және өзінің жұмысы үшін ақшаны қалай аудару керектігін түсіндірген”, – дейді Астана ІІД өкілдері.