“Қыстырғаным бар!”. Павлодарда мас жігіт полиция көлігінің үстіне шығып, елді балағаттады

Павлодарда қала тұрғыны мас күйінде полицей көлігінің төбесіне шығып селфи жасағаны үшін 10 күнге қамауға алынады.

Бұл туралы Павлодар қаласының мамандандырылған әкімшілік сотының баспасөз қызметіне сілтеме жасап, sputniknews.kz хабарлады.

Баспасөз қызметінің мәліметінше, биыл 25-наурызда сағат 18.00-де 23 жастағы мас павлодарлық Кәрібаев көшесінде полицей көлігінің төбесіне шығып, селфи жасап, әлеуметтік желілерге жариялай бастайды. Онымен қоймай, көшедегі жаяу жүргіншілерді балағаттап тіл тигізеді.