“Сыр бере бастады”. Ибраимовтың Головкин жайлы не дегенін білесіз бе?

Олимпиада чемпионы Ермахан Ибраимов Геннадий Головкин мен Дэниэл Джейкобс жекпе-жегі жайлы өз көзқарасын білдірді, деп хабарлайды Қазақпарат.

Ермахан Ибраимов 12 раундқа дейін нокаутсыз өткен кездесудің нақты екі себебі барын айтты.

“Біріншіден, соңғы кезде Геннадийге қарсы шығатын боксшы табылмай кетті, жоқтың қасы деуге болады. Сосын оны “монстр” – бәрін жапырып тастайтын боксшы ретінде көп көрсетіп кетті. Дәл осы мифті сейілтіп, қарсыластардың қорқынышын азайту үшін ол барлық 12 раунд бойы бокстасты. Екіншіден, ерте ме, кеш пе уақыт өзінікін алады. Геннадий Головкин қазір 34-те, биыл 35-ке келеді. Қанша айтсақ та, адамның жылдамдығы бәсеңдейді, күші сарқылады. Меніңше, уақыт та болған сияқты. Адамның ресурстары шексіз емес қой”

– деді Ибраимов.