Сыртқы істер министрлігі Алтай Әбибуллаевқа басқа жұмыс ұсынуға әзір
ҚР Сыртқы істер министрлігі коммерциялық қызметке араласу әрекеті үшін қызметтен босатылған Польшадағы Қазақстанның бұрынғы елшісі Алтай Әбибуллаевқа жұмыс ұсынуға әзір.
Бұл туралы ҚР СІМ басшысы Қайрат Әбдірахманов мәлім етті деп хабарлады Sputnik Қазақстан.
Алтай Әбибуллаев Польша Республикасындағы Қазақстан Республикасының төтенше әрі өкілетті елшісі қызметінен мемлекеттік қызмет туралы заңнаманы бұзғаны үшін босатылған. Әбибуллаевтың қызметтен босатылу себебі коммерциялық қызметке араласу әрекеті болған.
“Оның тәжірибесі мен сыртқы саяси ведомствоның жұмысына соңғы 20 жыл бойы қосқан үлесін ескере отырып, біз оны сыртқы істер министрлігінің жүйесінде қалдыруды жоспарлап отырмыз. Көбіне бұл оның шешіміне байланысты болмақ. Еңбек заңнамасына сәйкес, Алтай Әбибуллаевты жұмысқа қабылдаудың әртүрлі нұсқаларын қарастыру үшін ешқандай кедергілер жоқ”, — деді Әбдірахманов журналистерге.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе