“Президент кет десе ғана кетемін” – Сағадиев өзінің отставкасы туралы

Білім және ғылым министрі Ерлан Сағадиев Президент шешсе, отставкаға кетуге дайын, деп хабарлайды sputniknews.kz.

Бүгін парламентте өткен отырыстан кейін журналистер министр Ерлан Сағадиевке әлеуметтік желідегі жұрттың оның отставкаға кетуін сұрап жатқанын айтты.

“Мұндай арандатушы сұрақтар қоймаңыздар. Оны шешетін Президент. Президент айтса кетемін”,

— деп жауап берді тілшілердің сұрағына министр.

Қазір бүкіл қоғам белсенділері министр Ерлан Сағадиевтің отставкаға кетуін талап етіп, әлеуметтік желілерде жарыса жазып жатыр.

Осыған дейін үштілділік, жоғары оқу орындарында ежелгі қазақ тарихының алынып тасталғаны аздай, енді Білім және ғылым министрінің бұйрығымен жоғары және одан кейінгі оқу орындарындағы мамандықтар тізімінен “Қазақ тілі”, “Қазақ əдебиеті”, “Қазақ тарихы”, “Лингвистика”, “Шығыстану” сияқты мамандықтар алынып тасталынды деген ақпарат тарады.