Дариға Назарбаева бағаның неге қымбаттап жатқанын айтты
Дариға Назарбаева Ұлттық экономика министрлігінен еліміздегі қымбатшылықты дереу тоқтатуды талап етті деп хабарлайды КТК арнасы.
Депутат, әсіресе, тұрғындар жиі тұтынатын азық-түлік пен дәрі-дәрмектің құнына қатаң қадағалау орнату керек деп отыр.
“Ауыл шаруашылығына субсидиялар бөлініп, жеңілдік жасалғанымен отандық азық-түлік бағасының арзандайтын түрі жоқ. Керісінше, күн сайын қымбаттауда. Фармацевтика саласында да дәл осындай жағдай. Меніңше, делдалдармен күресті күшейтетін уақыт келді”, – деді Дариға Назарбаева.
Яғни, елімізде өндірілген тауардың бағасы бірнеше есеге арзан болуы керек дейді депутат. Сондықтан, Назарбаева Ұлттық экономика министрлігіне азық-түлік құнын бақылап, арадағы делдалдарға жазаны қатаңдатуды ұсынды. Бағаны қолдан көтергендер жазалануы тиіс.
Сондай-ақ, сенатор экспорттың да көлемі бір орында тұрғанын айтып сынады. Қазақстанның сыртқа сататын тауар тізімі көбеймеген. Ал экспортты ұлғайту – еліміздің басты экономикалық жоспарларының бірі болатын.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз