Ақтөбе облысы Темір ауданында үш жүзден астам отбасы жаңа туған нәрестелеріне “дінде тыйым салынған” деген себеппен екпе салдырудан бас тартып жатыр. Бұл жөнінде орталық аудандық аурухана меңгерушісі Ханым Балғазина айтты.
Балғазина ауруханада мамандар екпеден бас тартқан ата-аналарға түсіндіру жұмыстарын жүргізіп жатыр дейді.
Ақтөбе облыстық денсаулық сақтау басқармасының жетекшісі Әсет Қалиев облыс бойынша ата-аналары екпе салдыруға қарсы болған екі жарым мыңнан астам бала бар дейді. Оның сөздерінше, мұндай отбасылар көбінесе Алғын, Мұғалжар, Темір және Шалқар аудандарында және облыс орталықтарында көп.