АҚШ-тың әділет министрлігі президент Дональд Трамптың мигранттарды елге кіргізбеу туралы жарлығын қолдайтын дәлелдер ұсынды.
Мәліметтерге қарағанда, президент Трамптың қара тізіміне енген жеті елдің 72 иммигранты 2001 жылдың 11 қыркүйегінен бері терроризмге қатысы бар қылмыстармен сотталған.
Олардың бірқатары жалған құжат жасау секілді ұсақ қылмыстарға жатады, бірақ 30-ы кем дегенде үш жылдық жазаға тұрарлық қылмыстар жасаған. 2016 жылы қарашада Огайо университетінде Сомалиден келген босқын бірнеше студентті жаралағаны да дәлел ретінде келтірілді.