Димаштың IV-кезеңде қытай тілінде орындаған әннің аудиожазбасы жарияланды (фото, видео)
Димаш Құдайбергеннің Қытайда өтіп жатқан I am Singer жобасының IV-кезеңінде өнер көрсеткен сәті түсірілген суреттер мен аудиожазба жарияланды.
“Келесі кезеңде танымал əнші Джеки Чун Хок-Яудың репертуарынан қытай тіліндегі “Қоңыр күз” əнін орындаймын! Қабыл алыңыздар!”, – деп жазды суреттерін қоса жүктеген әнші Instagram желісіндегі жеке парақшасында.
Қытай басылымдарындағы деректерге сүйенсек, бұл кезеңнің телевизиялық түсірілімі 2-ақпанда болған. Сол кезде залда болған көрермендердің жазуынша, Димаш қытай тіліндегі әнді акцентсіз әрі өз бабында орындап шыққан.
Оған қоса өте жоғары дауысты алып, Димаш әнге өзіндік реңк берген. Қытай көрермендері тағы да бастарын шайқап, таңдайларын қағысыпты. Соған қарағанда Димаш бұл жолы да жүлдесіз қалмаған секілді. Телебайқау шарты бойынша ол эфирден берілмей жатып оның қорытындысын жария етуге тыйым салынғанын баса айта кетелік.
Димаштың IV-кезеңдегі өнерін алдағы сенбі күні Hunan TV арнасынан тамашалай аласыздар.
https://www.youtube.com/watch?v=A3f6T1Oa4bo
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе