Петропавлда көпқабатты үйлердің бірінің жертөлесінен 4 жыл бұрын із-түзсіз жоғалған адамның мүрдесі табылды.
Оны өлтірген азамат араға осыншама уақыт өткенде ғана арқасын кеңге салып, өз қылмысы туралы достарына ішіп отырып айтып қойыпты деп хабарлады облыстық ішкі істер департаментіне сілтеме жасап, Рkzsk.info.
1978 жылғы күдікті өз қылмысын мойындап, құрбанын көмген жерді де көрсеткен. Оған 20 жыл бас бостандығынан айыру жазасы тағайындалуы мүмкін.
Аталған оқиғаға қатысты ҚР Қылмыстық кодексінің 99-бабының 2-тармағы бойынша қылмыстық іс қозғалды. Сот алды тергеу жұмыстары жүргізіліп жатыр.