Дода басталды! Димаш Құдайберген Қытайда тек дүлдүлдер бақ сынайтын байқауға қатысуда

«Бұл сайысқа Қытайдың әлем деңгейіндегі танымал әншілері, танымал жұлдыздары, күллі әлемдік стадиондар мен ареналарды жинап жүрген 6 әншісіне қарсы шет елдік бір әнші – биыл біздің Димаш бағын сынап, бәйгеге түседі. Бұл – жас әншілердің жарысы емес. Әбден қалыптасқан, өнер әлемінде аса танымал, жүздеген миллион көрермендері бар Қытайдың жарық жұлдыздары қатысатын кәсіпқойлар додасы. Біздің бала – ең жасы. Бұл бұрынғы байқаулардан мүлдем бөлек»-деп жазған Димаштың анасы Света Айтбаева.

Сондай-ақ Димаштың бұл додаға барар жолда үлкен дайындық жүргізгенін, стиль, имидж, бағыт-бағдар бәрі жаңаша болатынын да тілге тиек еткен.

Ертең – байқаудың бірінші күні. Елдің атын шығарар ер Димашқа халық болып қолдау көрсетіп, тілеуін тілейміз!