Америкада жоғалған студенттің отбасы «Болашақ» басшыларын өтірік ақпар берді деп айыптады
«Болашақпен» кеткен баласын әлі таппай жүр! Еліковтер отбасы жоғалған ұлдарының табылғаны туралы ақпаратты жалған деп отыр. Өйткені «оны таптық» дегендердің бірде-бір мәліметі сол күйі расталмапты.
Бұл туралы КТК хабарлады.
Ұлдарының аман-есендігі туралы естіп қуанған ата-ананың көңілі көп ұзамай қайтадан күпті боп қалған. Өйткені оны тапқандар ұсынған ұялы нөмірге жігіт әлі жауап бермей жатыр екен. Тіпті Ержанды Нью-Йоркте көрдік деген куәгерлер де әке-шешесімен байланысқа шықпаған көрінеді. Сондықтан оның табылғаны туралы ақпарат күмән тудырған. Адвокаттың айтуынша, «Болашақ» басшылары берген басқа да мәліметтер де сол күйі расталмапты.
– Ешқандай мәлімет расталмады. «Болашақ» бағдарламасы берген телефон нөміріне қоңырау бармай жатыр. Білім министрлігінен хат келген. Бірақ ол хатта да Ержан Еліков жайлы нақты мәліметтер жоқ. Іздеуді әлі де жалғастырамыз.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе