Ақтауда белгісіз біреулер жол жиегінде тұрған көліктерді талқандап кетті (видео)

Ақтауда белгісіз біреулер бірнеше көлікті талқандаған. Оқиға түнде болған секілді. Бұл жаппай төбелестің салдары ма, әлде көлік иелеріне қасақана залал келтіру ме, бұл жағы, әзірге белгісіз.

Оқиға қаладағы 35-ықшамауданда орын алған, – деп хабарлайды “Лада“.

Белгісіз біреулер кәсіпкерлерге қызмет көрсету орталығының маңындағы жолдың жиегінде тұрған бірнеше көлікті талқандап кеткен. Көліктердің терезелері сынған, ал кейбіреулерінің айналары жұлынған. Кейбір көліктердің ішінде тастар да жатыр. Сондай-ақ, көліктердің бірінде қан іздері де бар.

“Видеоға қарағанда шамамен төрт көлік бүлінген. Көліктерден қандай да бір бағалы заттар жоғалды ма, жоқ па әзірше белгісіз. Полицейлер осы оқиғаға қатысты түсінік беруге уәде берді. Жақын маңдағы тұрғындардың айтуынша, бұл ауданда түнгі уақытта ешқандай да шу естілмеген”, – деп жазады басылым.