“Нұрлы жол” бағдарламасының ақшасын талан-таражға салған топтың серкесі ұсталды
“Байтерек Development” АҚ-тың бұрынғы басқарма төрағасы Бақыт Жақсыбаев тұтқындалды.
Бұл туралы ҚР Сыбайлас жемқорлыққа қарсы іс-қимыл ұлттық бюросының баспасөз қызметіне сілтеме жасап, Tengrinews.kz хабарлады.
“Байтерек Development” АҚ қызметтік тұлғаларының аса ірі көлемде пара алу фактісіне қатысты тергеу барысында қылмыстық жүйені ұйымдастырушылардың бірі – “Байтерек Development” АҚ-тың бұрынғы басқарма төрағасы, қазіргі кезде ҚР Ұлттық экономика министрлігінің “Қазақстандық ТКШ модернизациялау және дамыту орталғы”АҚ төрағасы Бақыт Жақсыбаев тұтқындалды. Ол қылмысқа қатыстылардың барлығының қызметін басқарып, олардың арасында рөлдері мен алатын параларының көлемін белгілеп отырған”, – деп хабарлады ведомстводан.
Еске сала кетелік, 22-қарашада Ұлттық холдингтің еншілес компаниясы «Байтерек DEVELOPMENT» төрағасының орынбасары, Мәжілістің экс-спикері Қабиболла Жақыповтың ұлы Аслан Жақыпов, атқарушы директорлар Бауыржан Әйтімбетов, Ғазиз Сариев сынды 8 адам ұсталған болатын. Олар «Нұрлы жол» бағдарламасы бойынша бөлінген бюджет ақшасын талан-таражға салған.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе