Батыста діншілдер «мұсылмандық иіссу» беріп, мектептегі балалардың басын айналдыра бастады
Маңғыстау облысындағы Шетпе қаласындағы №3 мектеп тура мешіттің жанында тұр екен. Содан болар, мектепке белгісіз адамдар келіп мұсылман иіс майларын мен иіс суларын таратып кетіпті.
Бұл ақпарат facebook әлеуметтік желісінде Алмас Алтай есімді қолданушы жазбасында пайда болды:
“Өте шұғыл! Маңғыстау ауданының орталығы Шетпедегі 3-ші мектеп — аудандық мешіт жанында. Елге барғанда сол мешіттің имамы мен жамағатының арасындағы дау туралы есіткем.
Міне, бүгін мынадай суыт хабар келді: 6 – сынып оқушыларына белгісіз бір адамдар мұсылман иіс майларын, иіс суларын таратқан. Тегін. Кеше болған жағдай. Мектептен кейін, кешке балалар аудандық ауруханаға жеткізілген.
Демек, қауіп жан-жақтан. Тек бомба емес, жарылыс емес, түрлі бәлекеттер бар деген сөз.
Өкілетті азаматтар істің мән-жайын анықтап береді деп сенеміз.
Әйтпесе, мектептегі балаға қастандық жасау деген таза жүгенсіздік қой”.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе