Жасөспірімге темекі сатқан сатушы 42 мың теңге айыппұл төлейтін болды
Маңғыстау облысында 18-ге толмаған жеткіншекке темекі сатқан сатушы сотқа тартылды.
Бұл туралы облыстық соттың баспасөз қызметі хабарлады.
“Маңғыстау облысы Қарақия аудандық сотында ҚР Әкімшілік құқық бұзушылық туралы кодекстің 133-бабының 1-бөлігімен (он сегіз жасқа толмаған адамдарға темекіні және темекі бұйымдарын сату және олардың сатуы) Е-ге қатысты әкімшілік іс қаралды” деп хабарлайды Маңғыстау облыстық сотының баспасөз қызметі.
Сотта анықталғандай, Е. Жетібай селосында орналасқан «Аяжан» атты дүкенінде сауда жасап тұрып, кәмелетке толмаған жасөспірім А-ға «LD» экстра темекі бұйымын сатып, әкімшілік құқық бұзушылықты жасаған.
Сот Е-ні жоғарыда көрсетілген бап негізінде кінәлі деп танып, оған 20 айлық есептік көрсеткіш мөлшерінде, яғни 42 420 теңге әкімшілік айыппұл салу жазасын қолданған.
Қаулы заңды күшіне енген жоқ.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз