Ресейге көшіп кеткен Қазақстан хоккейшісі өлі күйінде табылды

13 қыркүйек 2016, 11:45

Ол 1998 жылы Наганода өткен Олимпиадаға Қазақстан құрамасы сапында өнер көрсетті. Негізінен, Петр Геннадьевич Девяткин 1977 жылдың 8 наурызында Өскемен қаласында дүниеге келген. Өскемен хоккейінің түлегі, шабуылшы. Ресей чемпионы, Азия ойындарының чемпионы (1999), 1998 жылғы Олимпиада ойындарының ширек финалына жеткен.

„ Новосібір қаласының Ленинск ауданында өз-өзіне қол жұмсауы ықтимал ер адамның денесі табылды. Оның жанынан өмірімен қош айтысқан хат табылды. Тергеу комитеті бұл іспен айналысып жатыр„ – дейді құзырлы орган өкілі РИА Новости агенттігіне берген мәліметінде.

Соңғы кездері Девяткин Сахалинде балалар бапкері болып қызмет еткен. Петрдің артында келіншегі және кішкене баласы қалды.