Головкин – Брук жекпе-жегінің соққылар статистикасы жария болды
WBA (Super), IBO, WBC (Interim) және IBF нұсқалары бойынша әлем чемпионы Геннадий Головкин (36-0, 33 КО) мен орта салмақтағы IBF нұсқасы бойынша әлем чемпионы ұлыбританиялық Келл Бруктің (36-1, 25 КО) жекпе-жегінің соққылар статистикасы жария болды.
Бұл туралы kaz.tengrinews.kz хабарлайды.
Compubox мәліметінше, жекпе-жек барысында Головкин 301 соққы жасаған, оның 133-і (44,2 пайызы) дөп тиген. Ал джебтерінің қатынасы 110-нан 58 болды (52,7 пайыз), ал күшті соққылары 191-ден 75 (39,3).
Ал Бруктің жасаған соққылары Головкиндікінен аз болып шықты. Ол 261 соққы жасаған. Дөп тиген соққылары да аз болып шықты – тек 85 соққы дөп тиген (32,6 пайыз). Ұлыбританиялықтың джебтерінің қатынасы 25-тен 99 (25,3), ал күшті соққылары 162-ден 60 (37).
Айта кетейік, орта салмақтағы WBA (Super), IBO, WBC және IBF тұжырымдары бойынша әлем чемпионы қазақстандық Геннадий Головкин жартылай орта салмақта IBF нұсқасы бойынша әлем чемпионы ұлыбританиялық Келл Брукті бесінші раундта нокаутпен жеңді. Сондай-ақ, кездесу алдында жағымсыз жағдай болды. Ағылшын көрермендері Қазақстанның әнұраны орындала бастағанда ысқырып, құрметсіздік көрсетті. Sky Sport телеарнасы отандастарының бұл әрекетін тәртіпсіздік деп сөкті.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз