«Неге туа бересің?». Ақтөбеде шенеуніктер 14 бала туған әйелге 1 пәтерді әрең берді
Үйі жоқ болса да күні кеше өзінің 14-інші нәрестесін дүниеге әкелген Әлия Новиковаға әкім-қаралар ақыры пәтер беретін болыпты. Бұл туралы ИА Новости-Казахстан хабарлады.
Тамыз айының соңында 40 жастағы Ақтөбе тұрғыны Әлия Новикова өзінің 14-інші баласын босанған. Бала салмағы 4 келі 130 грамм болып туылыпты.
Әлия Новикова әлі күнге дейін квартирант болып жүр екен.
Баспана кезегіне 2010 жылы тұрса да, кезекте әлі 135-ші орында екен. Вахталық әдіспен жұмыс істейтін күйеуі 85 мың теңге жалақы алса, мемлекет әр балаға екі мың теңгеден жәрдемақы төлейді екен. Қайта-қайта үй сұрап барған кезде шенеуніктер оған «неге туа бересің» деп дүрсе қояды екен.
Енді, 14-ші баладан кейін шенеуніктер ұялғанынан амалсыздан әйелге кезектен тыс пәтер беру жөнінде шешім шығаруға мәжбүр болған көрінеді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз