Елімізде әскери-патриоттық әндер байқауы жарияланды

Әділқазылар алқасының құрамына ҚР Қорғаныс министрінің бұйрығымен бекітілген Қорғаныс министрлігінің, жазушылар одағының, композиторлар одағының өкілдері кіреді.

Байқауда жоғары орындаушылық шеберлігіне, жанрлық ерекшеліктерге, сапалы деңгейге және тақырып таңдаудағы өзгешелікке, автордың шығармашылық шеберлігіне баға беріледі.

Байқау «Отан қорғаушының оң бейнесін айшықтай түсетін ҚР ҚК туралы имидждік әндер» және «Саптық пен әскер түрлері және тектері бойынша әндер» атты екі аталым бойынша екі жылда бір рет өткізілетін болады. Шығармашылық сайысқа су жаңа, өзгеше, бұдан бұрын еш жерде жарияланбаған және орындалмаған туынды ұсынған авторлар қатыса алады.

Алғашқы номинациядағы бас жүлде ҚР Қарулы күштері Жоғарғы бас қолбасшысының жүлдесі, екінші аталымда 1, 2, 3-орын жеңімпаздарын марапаттайды. Конкурсқа қатысу үшін құжаттарды 2016 жылғы 25 қазанға дейін жолдау қажет.