Мас күйінде көлік жүргізген Қазақстан елшілігінің қызметкері туралы мәлімет нақтыланды
Британия басылымдары осы елдегі Қазақстан елшілігінің қызметкері мас күйінде көлік жүргізді деген ақпарат таратқан болатын.
Бүгін Сыртқы істер министрлігі баспасөз қызметінің жетекшісі Әнуар Жайнақов ол азамат Елшілік қызметкері екенін, бірақ, дипломат емес, техникалық қызметкер болғанын айтып берді деп хабарлайды ҚазАқпарат.
– Ол – елшілік қызметкері. Бірақ, техникалық қызметкер. Ондай факт болған. Осы факт анықталғаннан кейін техникалық қызметкер бірден елге қайта шақырылды. Қазіргі таңда ол азамат Ұлыбританиядағы Қазақстан елшілігінде жұмыс істемейді, – деді Әнуар Жайнақов.
«Осы жерде баса айта кетееініміз, Қазақстан Республикасының Сыртқы істер министрлігі мен Қазақстанның өзге мемлекеттердегі дипломатиялық мекемелері кез келген тәртіп бұзушылыққа «мүлде төзбеу» саясатын ұстанады», – деп сөзін толықтырды баспасөз қызметінің жеткішісі.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз