Франция астанасы Парижде өтетін футболдан Европа чемпионатының финалдық бәсекесін , 3,5 мыңға жуық полиция және әскери қызметкерлер толықтай дерлік бақылауға алмақ.
Бұл туралы ҚазАқпарат хабарлайды.
Ел билігінің хабарлауынша, финалдық ойын өтетін тек Стад де Франс стадионының өзін, 1,3 мың тәртіп сақшысы бастан-аяқ күзетіп тұрады. Сонымен қатар, 1400 полицей Эйфел мұнарасы мен Елисей алаңындағы қауіпсіздікті сақтауы тиіс. Бұл аумақтарда орталық фан-зона орналасқан.