Жерді жалға алуда жергілікті ауыл тұрғындарына басымдық беру қажет

«Біздің топтағы мүшелердің ойы бойынша, жер – тауар емес, жер – өндірістің құрамы. Сондықтан осы ретте бірнеше ұстанымдарды қарастырдық. Біріншіден, жерді сатып алуға тек сол жерді жалға алып отырған, жерге тер төгіп отырған, жұмыс істеген адамдарға ғана рұқсат беруіміз керек. Бұл жағдайда бәссауда (аукцион) арқылы жерін сатуға тыйым салынады. Осы тұрғыда жерді қалталы адамдар сатып алады деген күмәнға жауап ретінде айтамын», – деп тоқталды А. Күрішбаев.

Сонымен қатар жұмыс тобының жетекшісі екінші ұстанымын жария етті.

«Жерін сатып алғаннан кейін, белгілеген мерзім ішінде қайта сатуға немесе жалға беруге шектеу енгізу. Бұндай тұрғыдан қарау әлемдік тәжірибеде де көп таралған. Ал үшінші ұстанымға тоқталатын болсақ, жерді жалға алу кезінде өтініш білдірген жергілікті ауыл тұрғындарына басымдық беру мүмкіндігін белгілеу. Мұндай шаралар дамыған елдерде кеңінен қолданылады, ал біз үшін халықтың ауылдық жерде тұрақтануына септігін тигізеді. Жалпы, бұлардың барлығы жұмыс тобында айтылған пікірлер»,-деді А. Күрішбаев.