Бұған дейін Оңтүстік Қазақстан облысы Сарыағаш ауданына қарасты Абай ауылында жоғары сынып оқушыларының 7 жасар баланы зорлап келгені туралы ақпарат тараған.
Сорақылығы сол, осынау ауыр қылмыстың болғанын айтып, жәбірленген баланың әжесі мектеп басшылығына да, полицияға да арызданса да оны ешкім елемеген. Қос тарап та қылмысқа көз жұма қарап, істі жылы жауып тастағысы келген.
Бұл мәселе БАҚ беттерінде жаппай көтеріле бастаған соң ОҚО бойынша Ішкі істер департаментінің басшылығы аталған жайтқа өзі араласып, істің тергелуін жеке бақылауына алатынын мәлімдеді. Департаменттің баспасөз қызметі хабарлағандай, баланың зорлануына қатысты ҚР Қылмыстық кодексінің 121-бабы 4-бөлігімен, яғни „Күш қолданып немесе оны қолдану қатерін төндіріп не жәбірленушінің дәрменсіз күйін пайдаланып еркек пен еркектің жыныстық қатынасы, әйел мен әйелдің жыныстық қатынасы немесе жәбірленушіге немесе басқа адамдарға жасалған сексуалдық сипаттағы өзге де әрекеттер„ бойынша іс қозғалған.
Бұған дейін ауылдың полицейлері тек «денсаулығына орта деңгейлі зақым келтіргені үшін» деген баппен іс қозғаған болатын.
https://kaz.365info.kz/shoshyna-beredi-shymkentte-alty-bala-1-synyp-okhushysyn-zorlap-zhyr-306166
Еске салайық, осынау жантүршігерлік қылмыс жайында ең алғаш болып жергілікті «С-ИНФОРМ» газеті жазған болатын. Басылым тілшілеріне зәбір көрген баланың әжесі арызданып келген. Кейуананың айтуынша, немересін көрші мектептің жоғары сынып оқушылары жабылып зорлап, бұл әрекеттерін кейін әдетке айналдырыпты. Мұны баланың денсаулығын тексерген дәрігер де растаған.
https://kaz.365info.kz/pornodan-koripti-shkho-da-segizinshi-synyp-okhushysy-4-zhasar-balany-zorlady-291796
Әжей шағым айтып мектеп басшыларына да, полицияға да, тіпті прокурорларға да барған екен. Алайда, олардың ешбірі арызды қабылдамай, зейнеткерді құрғақ уәделермен алдап, істі созбалақтап келген көрінеді. Басылымның жазуынша, мектептің директоры жергілікті мәслихат депутатының келіні екен.