ҚР Ұлттық банкі «7-20-25» бағдарламасына қатысатын серіктес банктерді атады, деп хабарлайды ҚазАқпарат.
Тізімге 7 банк: Банк Центркредит, Евразия банкі, АТФ банк, банк RBK, Халық банкі, Цеснабанк, Тұрғын үй құрылыс жинақ банкі енді. Жыл соңына дейін бұл тізімге Сбербанк пен Forte банк қосылуы мүмкін.
ҚР Ұлттық банкі төрағасы аталған бағдарламаның операторы «Баспана» ипотекалық ұйымы болатынын 5 мамырда мәлімдеген болатын.
Бағдарлама бойынша Қазақстанның кез келген өңірінен Алматы, Астана, Атырау қалаларынан ең максималды 25 млн теңгеге, қалған өңірлерде 15 млн теңгеге баспана сатып алуға болады.