2026 жылы жоғары оқу орындарында оқу ақысы 5-7% өседі
Жаңа жылдан бастап Қазақстандағы университеттерде оқу ақысы орта есеппен 5-7 пайызға өсуі мүмкін. Бұл туралы Сенат кулуарында Ғылым және жоғары білім вице-министрі Гүлзат Көбенова мәлімдеді.
Журналистер экономикалық өзгерістер, соның ішінде жаңа Салық кодексінің қабылдануы мен қосылған құн салығының (ҚҚС) енгізілуі жоғары оқу орындарындағы ақылы білім беру бағасының өсуіне әсер ете ме деген сұрақ қойды.
Вице-министрдің айтуынша, ақылы бөлімдегі оқу құны жоғары оқу орындарының өз құзыретіне жатады. Дегенмен уәкілетті орган әдетте университеттерге баға қалыптастыру кезінде қазіргі экономикалық жағдайды ескеруге қатысты ұсынымдар береді.
«Алдыңғы жылдарды талдайтын болсақ, оқу ақысының өсуі, әдетте, өткен жылмен салыстырғанда 5-7 пайыздан аспаған», – деді Гүлзат Көбенова.
Сондай-ақ Көбенова жоғары оқу орындарының өздері оқу ақысын көтеру туралы бастамамен министрлікке ресми түрде жүгінбегенін атап өтті.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз