15 млн теңге пара алған Рудный қаласы әкімінің бұрынғы орынбасары сотталды
Рудныйда жемқор шенеунік, онымен қоса оған пара берген кәсіпкер де бас бостандығынан айырылды.
Рудный соты ірі көлемде пара алды деп айыпталған қала әкімінің бұрынғы орынбасары Мақсұт Досполовқа қатысты үкім шығарды, деп жазды “Костанайские новости”.
Мақсұт Досполов ҚР Қылмыстық кодексінің 366-бабы 3-бөлімінің 3-тармақшасы, яғни „Ірі көлемде пара алу„ бойынша кінәлі деп танылып, 8 жылға бас бостандығынан айырылды. Сондай-ақ сот оны мемлекеттік қызметте жұмыс істеу құқығынан өмір бойына айырып, заңсыз жолмен алынған немесе заңсыз жолмен алынған қаржыға сатып алған мүлкін тәркілеуге үкім шығарды.
Мамыр айында Досполов “Өркен” ЖШС директоры Өмірхан Мүсірәлиевтен алдағы уақытта оның компаниясына қолдау жасау үшін 15 миллион теңге пара алған. Сот Мүсірәлиевті де сегіз жылға бас бостандығынан айырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе