140 балл жинаған қос абитуриент бір университетті таңдады
181 мың талапкер қатысқан бірыңғай ұлттық тестілеуде 140 балл жинап, соңғы үш жылда болмаған рекордты орнатқан Жаннұр Еңсебек пен Айым Ержанова құжаттарын SDU университетіне тапсырып отыр.
Алматы облысы, Талғар ауданы, Қарабұлақ ауылының №22 жалпы білім беретін орта мектебінің түлегі Жаннұр Еңсебек өз таңдауын оқу жылының басында жасап қойған екен. Сондықтан да грант байқауына өтініш қабылдау кезеңінің алғашқы күнінде-ақ «Алтын белгі» иегері таңдау парағында тек SDU-ды белгілеп, құжаттарын тапсырып кетті.
Дәл осындай үздік нәтижеге қол жеткізген Ақмола облысы Қосшы қаласындағы Р.Қошқарбаев атындағы №1 мектептің түлегі Айым Ержанова да кеше арнайы SDU университетіне келіп, білім ордасының тыныс-тіршілігімен таныса келе өз таңдауын жасады.
Грант байқауының 4 күндік нәтижесі бойынша 100-ге жуық «Алтын белгі» иегерлері таңдау парағына алғашқы ЖОО ретінде SDU University-ді белгілеген. Бұл көрсеткіш SDU ұсынған білім сапасына деген сенімді білдіреді.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз