12 жасар баланың із-түссіз жоғалып кеткеніне 4 ай болды

9 қараша 2018, 22:30

kaz.365info.kz

Шымкентте 12 жасар Руслан Нұртораев 22 маусымда жоғалып кеткен.

«Дүкенге шығып кеткен ол, үйге оралмаған. Содан бері 4 ай өтті. Баладан әлі күнге дейін еш хабар жоқ. Руслан өгей шешесінің қолында тұрған. Бірақ олардың қарым-қатынасы жақсы болыпты. Қазір баланың әкесі уайымнан өзін қоярға жер таппай отыр», – дейді еріктілер тобы.

Баланың жақын туысқандары оның мектепте жақсы оқитынын және бұзақылық әрекетке әуес болмағанын айтқан. Олар баланың жоғалғаны туралы полицияға арыз жазған. Русланның бойы – 1,50 см, шашы қара.

Сол күні үстіне сұр футболка және көк шалбар киген. Баланың жақындары егер Руслан туралы қандай да бір ақпарат білетіндер болса +7 778 100 14 35 телефон нөміріне хабарласуларын сұрайды.

Дереккөз: sn.kz