12 пайыздық мөлшерлемемен ипотеканың қашан берілетіні белгілі болды
Қазақстан ипотекалық компаниясы (ҚИК) “Орда” жаңа ипотекалық бағдарламасының қай кезде іске қосылатынын жариялады, – деп хабарлайды Tengrinews.kz.
ҚИК алғашқы заемдарды биыл қазанның аяғында бермекші. Екінші деңгейлі банктермен келісімшарт жасасу басталды. Қарыз алушылар үшін ипотекалық қарыз мөлшерлемесі жылдық 12 пайыз болады. Жасы 21-ден жоғары ҚР кез келген азаматы қарыз алушы бола алады.
“Орда” ипотекасы кіріс толық расталған кезде тұрғын үй құнының 30 пайызынан бастап және ішінара расталған кезде 50 пайыздан бастап бастапқы жарна төлеуді көздейді. Бұл ретте бастапқы жарна қарыз алушыға немесе үшінші тұлғаларға тиесілі жылжымайтын мүлік түрінде қосымша кепілмен ауыстырылуы мүмкін.
Төлем қабілеттілігін толық растаған кезде, қарыз алушылар үшін ипотекалық қарыз мөлшерлемесі жылдық – 12, кірісті ішінара растаған кезде жылдық 14 пайыз болады. Кепіл ретінде пәтерді пайдалануға болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе