Жезөкшелікпен айналысу — заңды кәсіп! Адвокаттың пікірі

77 просмотров

Алматылық адвокат Жангелді Сүлейменовтің айтуынша, Қазақстанда жезөкшелік — заңды кәсіп болып табылады. Facebook-тегі өз парақшасында адвокат былай деп жазды:

«Бізде, Қазақстанда жезөкшелікпен айналысуға рұқсат етілген.

Жезөкшелікпен айналысқаны үшін айыппұл салатын бап Қазақ ССР-і мен Қазақстанда 1987 жылдан 2001 жылға дейін болған. Кеңес заманында айыппұл 100 рубль болатын, қазір мұндай айыппұл Ресейде де бар, оның көлемі 2000 рубльге дейін жетеді. Бұл дегеніміз — Қазақстанмен салыстырғанда, Ресейде жезөкшелікке әлі де тыйым салынған»,

— деп жазды адвокат әлеуметтік желіде.

«Қазақстанда 2001 жылы жаңа Әкімшілік құқық бұзу туралы кодекс енгізілген. Онда жезөкшелік үшін жазалайтын бап жоқ. Сол кезден бастап жезөкшелік біздің елімізде заңмен тыйым салынбаған әрекет деп танылады. Кей кездері кейбір баптар жойылып кетеді, ал заңгерлер оны дер кезінде байқамайды»,

Қазір жаза ретінде ҚР Әкімшілік кодексінде 449 бап қана бар: «Қоғамдық жерде мазалау».

Оған үңілсек, жезөкшелерге қоғамдық орындарда өз қызметін ұсынып, бейтаныс адамдарды мазалауға тыйым салынады. Сонда, қоғамдық емес жерлерде сексуалды қызмет ұсынуға болады! Жезөкшелік дегеніміз — ақылы сексуалды қызмет ұсыну. Оның заңды болып табылатынының тағы бір дәлелі: Азаматтық кодекстегі «Келісім жасасу еркіндігі» деген 380 бапқа сай, тараптар заңда көрсетілген, немесе көрсетілмеген келісім түрлерін өзара жасаса алады. Сексуалды қызмет те келісімге жатады, оны жазбаша түрде жасасу міндетті емес, ауызша да келісуге болады. Соған байланысты, қазір жезөкшелікті заңдастырудың қажеті жоқ — ол онсыз да заңды болып табылады.

Бұған дейін мен жезөкшелікке тыйым салуды ұсынған едім», деп аяқталады адвокаттың жазбасы.

21

Загрузка...