Жезқазғанда лаңкестер туралы жалған ақпарат берген келіншек құрықталды

20 просмотров

Жезқазған қалалық ішкі істер басқармасының қызметкерлері ақпараттық-коммуникациялық желілер арқылы қоғамдық тәртіпті бұзуға қауіп төндіретін жалған ақпарат тарату фактісі бойынша сотқа дейінгі тергеу жүргізуде, — деп хабарлайды Қарағанды облысы ішкі істер департаментінің баспасөз қызметі.

Ағымдағы жылғы 23-шілдеде «WhatsApp» желісі арқылы „қаладағы тұрғын үйлердің бірінің маңында террористер қолға түсіріліп, олардан қару және жарылғыш заттар тәркіленді„ деген ақпарат тараған.

— Аталған ақпаратты тексерген тәртіп сақшылары оның шындыққа жанаспайтынына көз жеткізген. Жедел-тергеу іс-шаралары барысында Жезқазған қаласының 29 жастағы тұрғыны ұсталып, ол жалған ақпарат таратқанын мойындады. Ұсталған азаматшаға қатысты ҚР ҚК 274-бабы 2-бөлімінің 3-тармағы бойынша қылмыстық іс қозғалды. Тергеу жүргізілуде, — делінген департаменттің баспасөз қызметі таратқан ақпаратта.

Өз кезегінде, полиция, қолданыстағы заңнамаға сәйкес, жалған ақпарат таратқандар 5 жылға, ал осындай әрекетке қауіпті кезде жол беріп, жалған ақпарат таратқан азаматтар 10 жылға дейін бас бостандығынан айырылуы мүмкін екенін ескертеді.

Загрузка...