Жерге қатысты ұстанымымызды өзгертпесек, одан келер пайда төмендей береді — Кенжеғали Сағадиев

53 просмотров

Қазақстан ауқымды жері бола тұра, оны тиімді пайдалана алмай отыр. Бұл туралы Жер реформасы жөніндегі комиссияның екінші отырысында академик Кенжеғали Сағадиев мәлімдеді деп хабарлайды jerturaly.kz.

2015031111270980389_20121128170746

«Жер халықтың өмір сүретін ортасы, екіншіден ауыл шаруашылығының негізгі кәсіп көзі. Сол кәсібінің арқасында халық өз тұрмысын дұрыстап отыр. Осы тұрғыдан алғанда біздің осы күнге дейін жерді пайдалану деңгейіміз өте төмен, нашар. Менің есебім бойынша, бізге жерден ЖІӨ 15-17 пайызын алуға болатын еді. Алайда, бізде бұл көрсеткіш төрт есеге төмен» – деді комиссия мүшесі К. Сағадиев.

Осыған байланысты академик жерге қатысты ұстанымды өзгертпесе, одан келер пайда да төмендей беретінін алға тартты.

«Сондықтан да, мен жерді Қазақстан азаматтарының жеке меншігіне сатуды қолдаймын. Бұл жағдайда, жердің бір иесі болады. Ол жердің құнарлығын сақтауға, одан табыс алуға ынталы болады. Екіншіден, бұл жер иесі үшін де экономикалық мүмкіндік», – деді комиссия мүшесі.

Загрузка...