Жер дауы: Бердібек Сапарбаев өзіне жала жапқан жігітті сотқа бермек

181 просмотров

Ақтөбе облысының әкімі өзіне әлеуметтік желіде  „қытайларға заңсыз жер сатты„ деп жала жапқан азаматты сотқа бермек.

Бұл туралы облыс әкімі биылғы жарты жылдықты қорытындылаған баспасөз мәслихатында мәлім етті, — деп хабарлайды ҚазАқпарат.

Айдын Егеубаев атты әлеуметтік желі қолданушысы „Шығыс Қазақстан облысының әкімі болып тұрған кезде Бердібек Сапарбаев Үржар ауданынан 85 мың гектар жер телімін қытайларға сатып жіберген„ деп айыптапты.

— Біздің заңнама бойынша жер шетелдіктерге сатылмайды. Мен Үржар әкімінің бұл ақпаратты жоққа шығарғанын күтіп жүрдім, бізге осындай хат келіп түсті. Мен Шығыс Қазақстан облысының әкімі болып жүрген кезімде 1 гектар жер де сатылған емес. Мен ол жігітті ешқашан көрген емеспін. Бірақ басқаларға сабақ болуы үшін оны мен сотқа бермекпін, — деді облыс әкімі.

Үржар ауданы әкімінің хатына сәйкес, 87 мың гектар жер телімі осы ауданның ауылшаруашылығы өндірушілеріне игеруге берілген.

Атап айтқанда, «Даремет» ЖШС-нің директоры Хванға (шамамен 30 мың га), «Ырғын» ЖШС-нің директоры Ізімғалиевке (8,7 мың га), «Манфагат» ЖШС-нің директоры Тасмұратовқа (48,9 мың га).

Загрузка...