Өзбектерге жалған құжат жасап беріп жүрген Қазақстан азаматы ұсталды

118 просмотров

Қазақстан мен Өзбекстан шекарасында заңсыз көші-қон арнасын ұйымдастырушы ұсталды.

Бұл туралы ҚР Ұлттық Қауіпсіздік комитеті шекара қызметінің баспасөз қызметі хабарлады.

«Қапланбек» шекара отрядының сарбаздары құжаттарына көші-қон полициясының жалған штамптары мен белгілерін соқтырып алған өзбекстандық 6 азаматты ұстады.

Тексеру барысында әлгі азаматтарға осындай жалған құжат жасауға көмектесіп, олардың әрқайсысынан 160 мың өзбек сумын алған қазақстандық азамат та қолға түсті.

Қазақстан азаматы өз кінәсін толығымен мойындап, куәгерлердің көзінше алған қаржысын иелеріне қайтарды.

Қазіргі уақытта аталған азаматқа қатысты процессуалды іс-қимылдар жүргізілуде.

Осылайша Сарыағаш шекара отрядының аумағында заңсыз көші-қон арнасының жолы кесілді. Ал ұсталған азамат қылмыстық жазаға тартылатын болады.

Загрузка...