Павлодарда оқушылар бірнеше адамды жабылып ұрған
Павлодар қаласында кәмелет жасқа толмаған балалар бірнеше адамға жабылды. Әлеуметтік желіде тараған видеодан үш жаспөспірімнің алдымен өз қатарластарын ұрғаны анық көрініп тұр. Одан кейін олар футбол алаңында тағы бір балаға жабылды. Онымен қоймай, жастарды арашалауға келген ер адамға тап берді. Полиция бұзақылық фактісі бойынша қылмыстық іс қозғады.
«Оқиғаға қатысқан барлық кәмелетке толмағандар анықталып, заңды өкілдерімен бірге полиция бөліміне жеткізілді», – дейді полицейлер.
Қазіргі кезде тергеу басталды. Соның аясында оқиғаның мән-жайы анықталады. Қылмыстық іс аясында ата-аналардың бала тәрбиесіне қатысты жауапкершілігі де қаралатын болады.
Айта кетері, Қылмыстық кодекстің 293-бабы (бұзақылық, алдын ала сөз байласу арқылы адамдар тобы жасаған әрекет) бойынша 3 000-7000 АЕК-ке (12 975 00-30 275 000 теңгеге) дейiнгi айыппұл не сол мөлшерде түзеу жұмыстары немесе 1 200 сағатқа дейінгі мерзімге қоғамдық жұмыстар, я болмаса, үш жылдан алты жылға дейiнгi мерзiмге бас бостандығын шектеу не сол мерзiмге бас бостандығынан айыру жазасы қарастырылған.
Серіктестер жаңалықтары
© «365 Info», 2014–2026 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз