Тәжіктер “Тәлибанның” мүшесін 16 жылға соттады
Тәжікстандағы сот 28 жастағы Бегиджон Назаровты ұйымдасқан қылмыстық қауымдастыққа жалданғаны үшін 16 жылға бас бостандығынан айырды. Оны ауған арнайы қызметі ұстап алып, “Талибан” қозғалысының мүшесі ретінде Душанбеге экстрадициялады.
Сотта белгілі болғандай, Бегиджон Назаров танысы Әнуар Худоёровпен бірге 2011 жылдың аяғында Қазан қаласынан ауғанның Бадахшан провинциясындағы Журм ауданына аттанған. Сол жерде олар “Талибан” қозғалысының Кори Махфуз есімді өкілімен кездесіп, соғысқа қатысуға рұқсат және қару алған.
Сотталушының туыстары мен адвокаты пікір білдіруден бас тартты. Бірақ Назаров сотта “Талибан” қозғалысының мүше болғанын мойындаған.
Ауғанстанның Бадахшан провинциясы тәжіктің Бадахшанымен шекаралас орналасқан. Бұл провинция соңғы жылдары тұрақсыздық мекеніне айналды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе