Сондерс Головкинді кемсітті

347 просмотров

Британдық Келл Брукты жеңген қазақстандық боксшы Геннадий Головкин ендігі кезекте Билли Джо Сондерспен қолғап түйістіргісі келетінін жеткізді. Бұл мәлімдемеге Сондерс өзінің Твиттерінде жауап қайтарды.

Бұл туралы Sports.kz-ке сілтеме жасаған Қазақпарат хабарлады.

«GGG, сен дайын болғанда, мен де әзір тұрамын, тек жартылай орта салмақта емес. Естідің бе, boreRat!» — деп жазды Сондерс.

Ағылшын тілінен сөзбе-сөз аударғанда «bore rat» — «жалықтырғыш егеуқұйрық» деген мағынаны білдіреді және дауыстап айтқанда «Borat» (фильм) болып естіледі.

Айта кетейік, қазақстандық боксшы, орта салмақта WBA (Super), WBC және IBF санаты бойынша әлем чемпионы қазақстандық Геннадий Головкин (35-0, 32 КО) кәсіби рингте британдық Келл Брукты (36-0, 25 КО) нокаутқа жіберіп, кезекті жеңісіне қол жеткізді.

Головкин айқас соңында пікір білдіріп, ендігі кездесетін қарсыластары туралы айтты.

«Енді мен барлық боксшылар, мысалы кіші Юбенктен шақырту алыға әзірмін, бірақ алдымен Билли Джо Сондерспен кездескім келеді»

— деді ол.

20160911095514

Загрузка...