Сәкен Майғазиев көпбалалы отбасыға бір айлық азық-түлік апарды
Әнші Сәкен Майғазиев “Отыз күнге отыз ізгі амал” жобасының аясында көпбалалы отбасыға көмек қолын созды. Ол бір айлық азық-түлік пен киім-кешек алып барып берді.
Бұл туралы Stan.kz хабарлайды.
Рамазан айында әлеуметтік-тұрмыстық жағдайы төмен отбасыларға көмек көрсету үшін “Отыз күнге отыз ізгі амал” жобасы жүзеге асқан-ды. Аталған жоба аясында Сәкен Майғазиев әлеуметтік жағдайы төмен 4 балалы отбасыға қуаныш сыйлады. Бір айға жететін азық-түлік пен киім-кешектерін апарып берді.
“Сауаптар еселенетін қасиетті айда жақсылықта жарысып, сауап теруге асыққан Сәкен ағамызға Алла разы болсын”, – дейді жоба ұйымдастырушылары.
Бұл жаңалықты естіген желі қолданушылары Сәкен Майғазиевтің әрекетін құп көрді. Мұнымен қатар, оның әрдайым қайырымдылық шараларына қатысатындығын тілге тиек етті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе