Ресейде БОЧ рВФ 260602 есімді кәмелетке толмаған бала әлі құжатсыз өмір сүріп жатыр

124 просмотров

РФ Мемлекеттік Думаcы Отбасы, әйелдер мен балалар мәселесі жөніндегі комитеті сандардан, қысқарған және балағат сөздерден тұратын ерекше есімдерді тіркеуге тыйым салады.

full-boch-1473005667

Сенатор Валентина Петренко 1998 жылдан бері тіркелген ерекше есімдердің статистикасын келтірді деп хабарлайды орыс ақпарат көзіне сілтеме жасап, ҚазАқпарат.

Ұлдар арасында: „Николай-Никита-Нил, Христамрирадос, Дельфин, Ярослав-Лютобор, Лука-Счастье Саммерсет Оушен„, қыздар арасында: „Апрель, Полина-Полина, Принцесса Даниэлла, Заря-Заряница, Алеша-Каприна, Океана, София-Солнышко„ сынды ерекше есімдер кезіккен.

Сонымен бірге бастама авторы 10 жылдан бері шешілмей келе жатқан ұлдың оқиғасын баяндап берді:

«БОЧ рВФ 260602 (Биологиялық нысан түрі адам, Ворониндер — Фроловтар тұқымынан, 2002 жылдың 26 маусымында туылған) әлі күнге дейін құжатсыз өмір сүріп жатыр. Себебі мәскеулік АХАЖ сәбидің мүддесін қорғау мақсатында оның есімін тіркеуге алудан бас тартқан. Сот та АХАЖ қызметкерлерінің пайдасына шешілді. Заң жобасын қабылдау кәмелетке толмаған сәбилердің заңмен қорғалатын мүддесі мен конституциялық құқықтарын тиімді мемлекеттік қорғаумен қамтамасыз етуге мүмкіндік береді», — деді Валентина Петренко.

Бүгінде РФ заңнамасында ата-аналарды балалардың мүддесі мен құқықтарын бұзбайтын есімдерді ғана беруге міндеттейтін норма жоқ. Сондай-ақ, айқын бассыздықтарда қандай шара қолдану керектігі де заңда көрсетілмеген. Мұндай еркіндік кейбір адамдардың ата-аналық құқықтарын асыра пайдалануына әкеп соғады.

Загрузка...