Ресейде қайтыс болған 19 жастағы боксшыны Қазақстанда жерлемек

24 просмотров

Ми жарақатын алып, қаза тапқан боксшыны Қазақстанда жерлейді. Қайтыс болу себебін нақты анықтаған соң, әкесі мүрдені отанына алып келмек. Магадан облыстық бокс федерациясы бар шығынды өз мойындарына алмақ, деп хабарлайды ҚазАқпарат ресейлік басылымдарға сілтеме жасап.

Валерий Попенченко жүлдесіне мемориал-турнир кезінде ауыр жарақат алған 19 жастағы боксшы  Владислав Щукин 10 күн жасанды комада болды.  Жарыс алдында боксшы жан-жақты медициналық тексеруден өтіп, жарысқа рұсқат алған.

Мамандардың айтуынша, миындағы қанды ісік жарыстың бірінші күні не Магадандағы турнирге дейін болуы мүмкін. 16 мамырда омбылық боксшы ес-түссіз жатқан күйі көз жұмған. Қаза болу себебі — ми жарақаты.

«Қазір өлімінің нақты себебі анықталу үстінде. Щукиннің әкесі Қазақстанда тұрады. Спортшы да сол жақта туған. Рәсімдеуден өткен соң, оны еліне алып кетеді. Барлық шығынды Магадан облыстық бокс федерациясы көтереді», — деді Магадан бокс мектебінің директоры Петр Бурмистров.

20160517105522

 

Загрузка...