Павлодар полициясы ұрылар түскен видеоларды БАҚ-тарға тарата бастады

23 просмотров

Павлодар облыстық ішкі істер басқармасы ұрыларды халықтың көмегімен құрықтауды көздеп отыр. Ол үшін полиция дүкен немесе монша сынды қоғамдық орындардың бейнетаспасына ілінген ұрыларды әшкерелейтін видеоны интернеттегі БАҚ-тарға жолдайды.

Бұл туралы облыстық ішкі істер басқармасына сілтеме жасап, pavlodarnews.kz хабарлайды.

Мәселен, облыстық ішкі істер департаменті ұсынған ақпаратқа сүйенсек, мына жағдайда «Жатец» дүкеніндегі бейнебақылау камерасына түсіп қалған ер адам іздестіріледі. Белгісіз азамат алюминий күбісін ұрлап кеткен.

Міне, осы негіздегі ұрлық фактісін тіркеген бейнежазбаларды павлодарлық полициялар интернет БАҚ-тардың назарына ұдайы ұсынып отырмақ. Мұндай шара облыстағы қылмысты ашу көлемін арттыруға үлкен септігін тигізеді деп күтіліп отыр.

Загрузка...