ОҚО-ның ауылдық жерлерінде 654 тұрғын үй пайдалануға берілді

15 просмотров

Биылғы жылдың қаңтар-тамыз айларында облыста 207881,2 млн теңге инвестиция игерілді.

Оның ішінде 44,1пайыз немесе 91637,8 млн теңгесі ауылдық жерлерге тиесілі. Қаржыландырудың негізгі көзі кәсіпорындар, ұйымдар және халықтың меншікті қаражаты болып табылады. Олардың көлемі ауылдық жерлердегі инвестициялардың жалпы көлемінен 34,5 пайыз немесе 31604,9 млн теңгені құрады.

Ауылдық жерлерде игерілген инвестициялардың жалпы көлеміндегі республикалық бюджеттің үлесі 7,3пайыз, жергілікті бюджет 26,1 пайыз, банктердің кредиттері 1,4 пайыз және қарыз қаражаты 30,8 пайызды құрайды. 2016 жылдың басынан жалпы алаңы 86,5 мың шаршы метрді құрайтын 654 тұрғын үйлер пайдалануға берілді.  Тұрғын үй құрылысында жалпы алаңның 1 шаршы метрінің орташа құны 48,3 мың теңгені құрады.

Тұрғын емес объектілер бойынша осы кезеңде ауылдық жерлерде 7325 оқушы орынды 28 жалпы білім беретін мектеп, 1040 орынды 6 мектепке дейінгі мекеме, ауысымына 120 келушілерге арналған 1 амбулаторлық-поликлиникалық мекеме пайдалануға берілді.

9b44ed40383079ca4ff1dcd14aa6ed3b_xl

Дереккөз: strategy2050.kz

Загрузка...