Ұлыбританиядағы саяси оқиғадан әлемнің 400 ең бай адамы орасан шығынға ұшырады

39 просмотров

Әлемнің 400 бай адамы Ұлыбританиядағы саяси  оқиғаға байланысты бір күнде 127,4 миллиард доллардан қағылды. Олардың арасында Microsoft-тың негізін салушы Билл Гейтс, сондай-ақ Amazon компаниясының басшысы Джефф Безос та бар.

Қомақты шығын туралы Bloomberg Billionaires Index мәліметтерінің сараптамасы негізінде қорытынды шығарылған.

Lenta.ru сайтының хабарлауынша, жаһандық қор нарықтарындағы құлдырауға байланысты миллиардерлер өз активтерінің 3,2 пайызынан айырылды.

Әсіресе, Inditex компаниясының негізін құрушы (Zara, Oysho, Massimo Dutti, Bershka, Pull and Bear, Stradivarius секілді брендтер) испаниялық бизнесмен Амансио Ортега қатты зиян шекті. Еуропадағы ең бай адам – Ортега алты миллиард доллар пайдадан айырылып қалды.

Тағы тоғыз адам әрқайсысы миллиард доллардан астам қаражаттан қағылды.

Естеріңізге сала кетейік, 23-маусымда, Ұлыбританияның Еуро одақтың мүшесі болу-болмауын таңдап, халық дауыс берді. Brexit-ті жақтаушылар 51,9 пайыз дауыс жинап, жеңіске жетті. Сарапшылар Ұлыбританияның Еуро одақтан шығу процесі кем дегенде бір жыл  алады деп топшылап отыр. Тұманды Альбионда бұл референдумды қайта өткізу бастамасын көтерушілер де бар.

Загрузка...