Кілем алуға келген Қайрат Нұртас Шымкентті шулатып жіберді

5 600 просмотров

Атың шықпаса — жер өрте! Танымал әнші Қайрат Нұртас отандық өнімді қолдау мақсатында Шымкентегі кілем тоқитын фабрикаға барып, өзіне бір кілем сатып алды.

Жұлдызды әнші өзінің жұлдыз екенін тағы көрсетіп қою үшін келетін уақытынан екі сағатқа кешігіп, жұртты біраз күттіріп қойды. Үстіне қатқан костюм киіп, көзіне қара көзілдірік тағып келген сәнді әншінің қарасы көрінгенде жиналған жұрт өз қуанышын жеткізу үшін «Ауырмайды жүрек, ауырмайды» әнін шырқай жөнелді.

«Қазақ поп-музыкасының королі» атанған әнші өзінің де отандық өндіруші екенін мақтанышпен жеткізді:

— Менің де киім тігетін цехім бар. Енді болашақта балалар ойыншықтарын, дәптер, қалам өндірісін ашамыз. Мен өзім қытайдың тауарларынан қорқамын, — деді Қайрат Нұртас.

Отандық өндірушілердің тауарларына бүйрегі бұратын әнші туған-туысқандарына да тек Қазақстанда жасалған көліктерді сыйлағанды жақсы көреді екен. Бірақ өзінің қымбат иномаркаларға құмар екенін жасырмады.

P1130695

P1130665

P1130629

P1130647 P1130652 P1130690 P1130672

P1130581 P1130584 P1130587 P1130588 P1130589 P1130591

P1130597

Загрузка...